Page:EBC 1605 09 01 0494.pdf/4

beneficium nequeat obtinere: Si vero per sex menses dictos triginta dies immediate sequentes sententiam ipsam animo, quod absit, substinuerit indurato, ex tunc effluxis mensibus eisdem dicto monasterio perpetuo privatus existat, illiusque commenda cessare, et ea cessante dictum monasterium vacare censeatur eo ipso. Quocirca Venerabilibus Fratribus Nostris Faventin. et Urbevetan. Episcopis, ac dilecto filio Causarum curae camerae Apostolicae generali auditori motu simili per Apostolica scripta mandamus, quatenus ipsi, vel duo, aut unus eorum per se, vel alium, seu alios faciant authoritate nostra pensionem per praesentes reservatam tibi, quoad vixeris, vel procuratori tuo praedicto, iuxta posterioris reservationis, constitutionis, assignationis, ac decreti huiusmodi continentiam, et tenorem integre persolvi, et nihilominus quemlibet ex Alexandre, et successoribus praedictis, quem huiusmodi excommunicationis sententiam incurrisse eis constituerit, quoties super hoc pro parte tua fuerint requisiti, tandio Dominicis, et aliis festivis diebus in ecclesiis, dum maior inibi populi multitudo ad divina convenerit, excommunicatum publice nuncient, et faciant ab aliis nunciari, ac ab omnibus evitari, donec tibi, vel procuratori praefato de pensione per praesentes reservata praefata tibi tunc debita fuerit integre satisfactum, ipseque excommunicatus ab huiusmodi excommunicationis sententia absolutionis beneficium meruerit obtinere. Contradictores per censuram ecclesiasticam appellatione postposita compescendo; non obstantibus voluntate priori, et ordinazione nostris huiusmodi, ac constitutionibus, et ordinationibus Apostolicis, nec non monasterii, et ordinis praedictorum iuramento, confirmatione Apostolica, vel quavis firmitate alia roboratis, statutis, et consuetudinibus contrariis quibuscunque. Aut si Alexandre, et successoribus praefatis, vel quibusvis aliis communiter, vel divisim ab eadem sit Sede indultum, quod ad praestationem vel solutionem pensionis alicuius minime teneantur, et ad id compelli, aut quod interdici, suspendi, vel excommunicari non possint, per literas Apostolicas
---page break---

◅▻